الشاعر الغنائى والكاتب السيد داود

السيد داود

عندى نصيحة للشباب

لكن نصيحة كويسة
الكيف طريق فيه العذاب
ضياع وهم وهلوسة
الدنيا قدامك براح
فيها الأمل وده شىء أكيد
الليل هيطلع له صباح
والحلم يقرب لو بعيد
بس المهم تكون تمام
وانى الهموم والوسوسة
عندى نصيحة للشباب
لكن نصيحة كويسة
الكيف طريقه مهلكة
بيدمر الصحة الحديد
لا هو منظرة ولا فزلكة
بالعكس بيخليك بليد
ياما كتير ضاعوا معاه

كفاية خلى العقل تاه
وتلاقى نفسك فى الحياة
مداري ومفيش كلمة كويسة
عندى نصيحة للشباب
لكن نصيحة كويسة
والصاحب اللى تشوفه سوء
على طول تقاطعه وتهجره
يمكن يجيله يوم يفوق
ماتقولش خايف أخسره
هايخسرك نفسك معاه
وكفايه واحد فيكو تاه
يمكن تكون له طوق نـجاه
وكلمة دافيه مؤنسه
عندى نصيحة للشباب