الشاعر الغنائى والكاتب السيد داود مسرحيه السمك فى البطيخ

الشاعر والاديب السيدداود
مسرحية
السمك فى البطيخ



الأشخاص
1. الحاج طلعت ( صاحب المحل )
العامل الأول :- بشندي
العامل الثاني :- عرباوي
العامل الثالث :- جميل الحدق

الزبائن :- نساء على الأغلب
منهم . . نحمدو خادمة في بيت الحاج وكاتمة أسرار بديعة زوجة الحاج والتي لها تطلعات أخرى , وهي صاحبة الكلمة الأولى وبالتأكيد الأخيرة أيضا .

( المنظر الأول )
محل عطارة على الطراز المملوكي يحمل بين الرفوف عبق التاريخ وقيمة المهنة .
أرفف تحتوي على أندر أنواع العطارة
3 بنش بطول 2م تشكل مربع ناقص ضلع خلف كل بنش بائع بشكل تقليدي البالطو الأصفر والطربوش خلف كل واحد منهم كرسي للإستراحة في حال عدم وجود زبائن .
في الواجهة :- مكتب متهالك عليه أصناف العطارة الخاصة جدا في الطب لا يستعملها إلا الحاج طلعت لأنه الوحيد الذي يجيد التراكيب للنباتات الطبية لجميع الأغراض المرضية – والجنسية والنفسية .
فى أول المسرحية يطلع المنشد يحكى قصتةيرويها من خيالة وكأنها هى قصة المسرحيه
لكن بشكل غنائى فردى شعبى جدآ كم فى مصر القديمة بنفس التيمة والموسيقى البسيطة
وهى عبارة عن عود وناى وقانون ودف وايقاع
من أول المسرحيه ينشد وفى اخر كل فصل ستة اجزاء تحكى لكل فصل على حدة
أول واخر كل فصل ينشد المنشد أ غانية
الفصل الاول
بداية الفصل الاول الفصل الاول
اثناء فتح المحلات واللى بيشر ميه واللى بيكنس
يأتى المنشد يقول
عطار فتح دكانه .. عامله سبيل للناس
يداوى بيه العليل .. من غير أطباء وكاس
وبركه الله تلقى الشفى موجود
ابو قلب طيب بيحن عا لغلبان
دوا الغلابه يدوب حلبه حصى ولبان
وربك الشافى وبايده الشفى وحده
لاهى شطارة ولا فتوى ولا كراس
ياسيدنا
بعد مايخلص المنشد



يألأتي الحاج من الشارع متوجها إلى المحل وهو يرتدي الجلابية البلدي وفوقها البالطو الأسود الجوخ والطربوش المنمق . . .
بيده المنشة
يبعث بالتحية للموجودين حوله من خارج المحل . . .
يدخل المحل في ثقة بنظر في أرجاء المحل . . .
يتمتم كله تمام
صباح الخير يا ولاد . . .
العمال :- صباح الخير يا عم الحاج
الحاج :- البضاعة وصلت وللا لسه . .
بشندي :- جت يا عم الحاج واترصت في المخزن وطلعنا شوية منها في المحل يا عم الحاج
جميل الحدق :- ما بعتوش الحبهان يا عم الحاج . . مافيش غير كام وفيه واستعجلهم ونبي يا عم الحاج . .
وقف الحاج بعد سماع الملحوظة وأشار إلى عرباوي
روح يابني هات الشاي بسرعة , حد هايشرب شاي يا ولاد
كلهم :- أيوة يا عم الحاج
جميل الحدق :- وياريت يجيب معاه سندوتش يا عم الحاج
الحاج :- يضحك . . انت ديما همك على بطنك يا حدق
جميل :- كله من خيرك يا عم الحاج
بشندي :- أيوة يا وله . . كله في عشرة بلدي هو يعني احنا اللي فطرنا .
الحاج :- طيب ما تقولوا أجيب لكم وأنا يا ابني هات لي معاك سندوتش
ماعرفتش أفطر ف البيت
سدت نفسي إلهي يسد نفسها ويخلصني منها قادر يا كريم
عرباوي :- وهو واقف جنب الحاج بتودد قلبوا عليك المواجع ولاد الكلاب دول
روق يا عم الحاج . . .
حالا أجيب السندوتشات وأوصي على الشاي . . . .
في أثناء غياب عرباوي جرى الحديث التالي بين الحاج وجميل وبشندي .
الحاج بلغة العارف ببواطن الأدور يوجه كلامه لهما كأنه زعيم ثورجي وغير راضي عن الأوضاع
الحاج :- تصوروا يا جماعة آخر بدعة في مصر ام البدع
آل إيه المشايخ هيحكموا البلد وهيمشوها على الصراط المستقيم .
بشندي :- مشايخ الأزهر يا عم الحاج . .
الحاج :- لا يا ابني دوا جماعة عملوا من نفسهم تنظيم وسموه . . البهاليل
وقدروا يستميلوا رئيس العمل وقائد كبير من المماليك هو اللي هيسندهم لما يوصلوا للحكم . .
بشندي :- يا نهار أسود يا عم الحاج تبقى خربت . طب والأزهر ورجالته فين . . . . .
الحاج :- الأزهر لسه ما فاقوش من هجمة البهاليل عليهم
جميل الحدق :- يمكن يا عم الحاج يكونوا أحسن من اللي ماسكين البلد وواكلينها في كروشهم
إش تركمان وإش أكراد واللي مانعرفلوش أصل
الحاج :- يا ابني كله طمعان في المحروسة وكله عايز يعمل فيها ريس حتى شيخ المنصر بتاع البهاليل
بشندي :- انا عرفت إنه أصله من المغرب وإن واصل قوي وله أعوان حتى من بره المحروسة
بشندي :- هم يا عرباوي
أوعى تكون نسيت الطرشي
عرباوي :- كله تمام شوية فول
بالهنا والشفا
بعد قليل يدخل عامل المقهي يحمل الشاي والماء لهم
يضع الصينية وهو يتمايل شوية شاي زمردة يعدلوا المزاج عشان خاطر عم الحاج .
الحاج :- ما انا برضه بأروقك وأخلي مراتك تدعي له على الوصفة اللي بديهالك
صبي القهوة :- ربنا ما يحرمناش منك يا حاج
ينصرف
ينهمك الجميع في الأكل وشرب الشاي تبدأ الزباين في التوارد
فجأة تدخل الخادمة نحمدو .......
بصوتها ذو الرنين ........
يا عم الحاج ... يا عم الحاج ......
من وسط الناس تلف إلى مكتب الحاج لكي تخبره بما جاءت له
نحمدو :- ستي بتقولك أوعى تنسى اللي قالت لك عليه .......
الحاج :- حتى في المحل ماهياش سيباني ..... حاضر يا ست قوليلها حاضر

المشهد الا ول

المنظر الثاني
الحاج طلعت : يخرج اما باب المحل جلستة المعهودة
ترابيزة مدورة وكرسى للحاج وكرسى اخر لأ شخص اخر
وامامه الشيشه وبجوارة الشاى وامامه محلات اخرى
شربات العجلاتى: وأمامه دراجه يلين فيها بقطعه قماش
ابو حجازى البقال: وأمامه قدرةالفول
قهوة المعلم حودة : وهى عبارة عن محل صغير وأمام المحلات
تجلس الباعه بالخضرة والفاكه
سيدة : بائعه الخضار والفاكه
شربات ايه النور ده ياعم الحج وشك منور اوى النهاردة ايه ياعم الحاج
ما تعطينا مما عطاك الله تحويجه ترج الشباب تانى فى عرضك يا عم الحج
الحاج طلعت: ياابا والله العظيم ولا ميت عطار يحوقوا فيك انت خلاص
تاريخ الصلاحيه منتهى من زمان عطار ايه اللى يجيب فا يدة معاك
على رأى شاعر لا يصلح العطار ما أفسدة الدهر
ابوحجازى : حلاوتك ياعم الحج قوله على رأى المثل
ايش تعمل المشطه فى الوش العكر
شربات :عكر مين يامصدى طب دنا اللى يشوفنى ويشوفك
يقول عليك جدى مش مصدق اسأل سيدة بياعت الخضار
ابوحجازى: اشمعنى سيدة يابوديل نجس اه سيدة مش هى اللى بتوصلك الخضارالبيت
ربنايشفيكى ياام ماهركانت هى اللى مربياك
شربات: كفايه بقى تقليب مواجع والله العظيم ياعم الحج كانت شيله عنى كتير ومن ساعة مارقدت وانا الدنيا اتلخبطت معايا حتى الواد اللى طلعت بيه ما لدنيا عيارة فلت
ولا عدشى بيجى يساعدنى
الحاج طلعت :ومن يتقى الله يجعل له مخرجآ
يابنى قلتلك كام مرة ابعد عن السكه دى اخرتهاندامه وللا هاتعمل زى بسلامته المحروس مصطفى ابنى والله خسارة فى الاسم ده
طول النهار مابينزلش عينه من على النسوان ومراته زى الفل وجايباله الواد والبت
لكن عينه فرغه والله ماانا عارف طالع لمين ربنا يتوب عليه وعلى كل عاصى امين
حودة القهوجى : أجيب القهوة دلوقتى ياعم الحج وللا كمان شويه
الحاج طلعت : استنى يا ابنى لما اشرب الشاى وابقى هات القهوة ها شربها ها شربها
الحاج يشير لسيدة الخضريه يابت يا سيدة يابت يا سيدة
سيدة : تجرى على الحاج ومازلت بكحلتها والجلبيه البلدى بنت سوق
على عينى ياحج امرنى ياحج الخضار النهاردة بالصلاة عا لنبى ورور ولسه جاى من الغيط
الحاج : غيط ايه وبيت ايه ها تعمليهم عليا يا بت اوزنى اتنين كيلو طماطم وكيلو باميه
وخضار وليمون وبسرعه وديهم البيت عندى وشوفى حسابك كام يا ياروح امك
وبلاش تحودى على بيت المعلم شربات وانت جايه
سيدة: حتى انت ياعم الحج وانااللى بقول انك ها تنصفنى
الحاج : على رأى المثل على وشك يبان يا نداغ البان ماتجوزيه يابت
احسن ليكى وله والشرع محلله ومراته ربنا يشفيها
شربات : قلت لها ياعم الحاج نتجوز طلعالى فيها وعايزة بيت لوحدها
ال ايه ما بتحبش الدوشه بنت بارم ديله
الحاج : عداك العيب ياوله ايه يا سيدة يا بنتى هو فى احسن من الحلال
وطا لما شريكى وافقى بيه مش احسن ما الناس تجيب سرتك بالبطال
سيدة : بدلع ودلع ا افكر هاروح أودى الحجات اللى طلبتها على البيت
للحاجه ياعم الحاج
ابو حجازى : متوجهآ بكلامه لشربات الف مبروك ياعم طا لما قالت ها افكر
يعنى ناوية متوجهآ بكلامه للحج ولا ايه ياعم الحاج أنا شفتها سرحت فى كلامك
ومقتنعه بيه
حودة القهوجى: اه ياراجل ونتعلم بأه وكفايه شغل المراهقين
الحاج :يحودة ابعت القهوة جوه الدكان مصطفى ابنى زمانه جاى
بس ابعت القوة بوش ميبقاش وشها مكشوف زيك
حوده :عيناياعم الحج
وفى نهاية الفصل الاول
النمشد يقول :-
القلب الابيض يساع الكل فى رحابه
وباب الكريم تلاقلى متفتح ابوابة
واللى بقصد خير يقلى الخير وزيادة
وربك يحبة ويكتر فى أحبابة
ياالف رحمة ونور يلى صنعت الخير
من غير ماتطلب اجر شوية وللا كتير
فتحت قلب وبابك لكل من جالك
الذكرى تفضل لو حتى الوجوة غابوا
ياسيدنا

الفصل الثانى
البداية :المنشد يقول
الدنيا حالها كدة ما تدومش يو على حال
سبحان ربك عظيم بيغيرالاحوال
واللى انكتب فى الغيب لابد ما يحصل
مش عايزة منك شطارة ما تفهم الاقوال
يا مدبر الكون يسر كل امر عسير
فرح قلوبنا برحمتك وكل امرك خير
ارمى حمولك على واحد مافيش غيرة
ها يسر خاطرك ويعدل اى شيء لو مال
نفس المنظر مع العمال
وبعد ذلك

ووصول ابنه الوحيد

مصطفى . . . .
شاب أنيق – شعره مدهون بكمية لا بأس بها من زيت شعر تركيبة الحاج طلعت . . وجلابية كشمير على طراز السائد
وهو على طريقة أهل زمان . . .
دائما يستلم مكان الحاج بعد الساعة الثانية عشر حتى الإغلاق وهو متزوج وله ولد وبنت
الولد على اسم ابوه طلعت والبنت على اسم الأم بديعة
الحاج وسط الزمام يلمح وصول الابن . . وعلي متضايق ومنفعل
إيه يا ابني إتأخرت قوي كدة ليه . . وللا نزلت السوق تبص على النسوان
ما تبطل يا ابني وبص لبيتك ولعيالك . . د طريق آخرته سودا
مصطفى :- بتودد مصطنع . لا ولله يا عم الحاج دنا من البيت على هنا طول . .
بس أعمل إيه العيال طلباتها مابتخلصش . .
الحاج :- عايزين حاجة يا ولاد أنا ماشي ومصطفى معاكم
الجميع . . مع السلامة يا عم الحاج
مصطفى ياخد مكان الحاج على المكتب ويظبط نفسه . .
يخلع الطربوش وينادي على عرباوي
يا عرباوي اطلب لي شاي بسرعة
عرباوي :- حاضر يا س مصطفى . . .
تدخل إحدى الزبائن
جميلة ممتلئه الجسم يسمع صوت الذهب من يديها وفي رقبتها تهتز بدلال وهي تسأل أحد العاملين بالمحل . . .
أنا عايزة 2 وقية حبهان
وكيلو حنة
وبخور جاوي وعين العفريت
بشندي :- واحدة واحدة يا ست وفسري كلامك
أولا الحبهان مش موجود بكرة إنشاء الله
بتقول إيه ياد العدي وحياة النبي ما انا ماشية إلا بطلباتي
فين صاحب المحل . . . .
يتحرك المعلم مصطفى متجها إليها . . . .
خير يا ست الكل مين اللي زعلك
عنايات :- ماحدش يقدر يزعلني
دنا عنايات شخلع على سن ورمح , دنا أقعد في بيتي وكل حاجة تجيني من غيرحتى ما اطلب يقوم بسلامته يقوللي مافيش حبهان , ليه أنا جاية باشحت منه
مصطفى ينقح عليه عرق الطيبة ويعرف من هي التي أمامه
يمسك يدها قائلا
تعالي يا ست الكل انت ترتاحي هنا وتطلبى كل اللي نفسك فيه هوا يحضر . . .
متجها إلى بشندي قائلا له
انت هببت إيه .........
معندكش نظر مش شايف اللي قدامك عاملة إزاي
ها قولك ايه ما انت اعمى القلب والعين . . .
هي كانت عايزة ايه
بشندي والله يا سي مصطفى ما قلت حاجة مافيش عندنا حبهان وقلنا للحاج عليه , قال هاوصي عليه وبكرة هيكون هنا . . . .
مصطفى :- تروح بسرعة لوكالة المعلم فتيحة وهات لنا وقة حبهان وتعالى , إيه طلباتها التانية .
مصطفى :- عايزة حنة وبخور حاوي وعين العفريت يا سي مصطفى .
مصطفى :- طب روح انت بسرعة وتعالى بسرعة يا وله . . . .
بشندي :- هوا يا سي مصطفى
متجها إلى المكتب وقد علق ابتسامة رضا ونظر إلى الزبونة التي قد هدأت إلى حد ما . . . . .
متجها إلى عرباوي . . . بسرعة يا عرباوي كوز عناب متلج يا وله لست الكل . . .
تسلم يا سي . . . هو اسم حضرتك ايه ؟
مصطفى . . مصطفى
عاشت الأسامي ياخويا
مايحرمنيش منك ابدا
ابقى تعالى شرفينا كل شوية
باين عليك ابن حظ واحنا بتوع الحظ كله . . . بس انت تعالى
مصطفى :- أنا ما اعرفش العنوان هو فين العنوان بالظبط .
عنايات :- يالهوي دحنا اشهر من النار على علم انت تنزل شارع كلوب بك وتسأل على صالة المعلمة شفيقة العالمة ألف مين يدلك وهنوريك اللي عمرك ما تحلم تشوفه أمال ........... دحنا وبس
والنبي
مصطفى :- معرفة خير ونهارنا زي الفل ........ الليلادي هاجي لكم
عنايات :- ها تشرفنا وتنورنا يا سي مص طفى
لقطعها تقطيع له دلالات يفهمها هو جيدا
فجأة وعلى غير إنتظار يأتي ابنه صبي ما بين التاسعة العاشرة فيه ميل فطري نحو الجمال
نظر إلى عنايات بشدة واتجه بكلامه إلى أبيه
ماما بتقولك ...... ماما بتقولك
مصطفى :- بتقول ايه يابني وضح كلامك , واد يا طلعت هو ماله متنح ليه كده
أيوة يا بابا . . بتقولك هات عشيين قرش عشان نازلة تشتري لنا حاجات . . بسرعة البرق مد يده إلى جيبه وأعطاه المبلغ قائلا له ياللا بسرعة ما تتأخرش على أمك . . بسرعة
الأم تنتظر خارج المحل في انتظار ابنها . . . ..
جاء الولد . . وهو في حالة توهان . . مالك يا وله . . أمه مستفهمه
أم طلعت :- مالك يا ضنايا فيه إيه أبوك ضربك
طلعت . .. لاء
أم طلعت :- أمال مالك
طلعت :- الست اللي قاعدة مع بابا يالهوي يا ماما حلوة قوي
أم طلعت :- طالع عينك زايغة زي أبوك . . . هي فين دي تحركت بتلصص كي لا يراها أحد نظرت وجدتها تضحك وتتمايل عليه تحركت فيها غريزة الأنثى
أم طلعت تحدث نفسها :- طيب يا سي مصطفى وحياة مقاصيصي دول لا أخليك تلف حوالين نفسك
سحبت ابنها وخرجت من المشهد
ما زال مصطفى وعنايات يتحدثان
يأتي من آخر الشارع رجل يجري بلهفة إلى أن وصل للمحل واتجه بنظره إلى المكتب
يا سي مصطفى ...... يا سي مصطفى
البقاء لله الحاج طلعت تعيش أنت
سرادق للعزاء امام المنزل وكراسى مرصوصة الشيخ يتلو ايات الزكر الحكيم
وليبقى من المعزين غير مصطفى ونسايبه العربى ورجب وشربات وحوده وابو حجازى والجيران
يدور بنه الحوار الثانى
مصطفى : شكر الله سعيكم يا جماعه ماحدش يجلكم فى حاجة وحشة
حوده القهوجى : الله يرحمك ياعم الحاج كان طيب وكريم وعمرة ما زعل حد منه
وكان فيه لله كتير الف رحمه ونور عليك ياعم الحاج
شربات : صدقت ياحودة والله ما انصلح حالى الا على بنصيحة وهو اللى سعى
فى جوازى من سيدة الله يرحمه كان سعيه كله خير
ابو حجازى : ياحول الله يارب.. خلاص ياولاد ها ننحرم من قعدته الصبحيه
وكلامه الحلو
مصطفى : بعد سماع هذةالكلمات يبكى بشدة ياتهتى من بعدك يابا عمرى ماشلت
هم لا بيتى ولا عيالى دلوقتى اروح مين واجى لمين
العربى: عيب كده يامصطفى انت راجل وابن راجل متعملش بنفسك كدة
رجب: كلنا حوليك ياسى مصطفى اى حاجه تعزها احنا جنبك ما تشلش
هم خالص والبركه فيك اجمد كدة وشد حيلك
ابو حجازى: انتى ياعم مصطفى يارجل وعقل واعى وبتعرف تفكر انتم الجيل الجديد
فكر فى بكرة وشوف ها تعمل ايه فى المحل ما انت قلت للى انك نفسى اوضب المحل
على الموضه واكبرة واجيب حجات جديدة
شربات : عليك نور يا ابو حجازى مظبوط كلامك انا سمعت منه الكلام د ة لكن ما كنش يقدر ينفذ لاان الحاج الله يرحمه كان متمسك با لمحل على كدة المحل ده بقاله
يجى خمسون سنه على الشكل دة وكان صعب على الحاج يغير حاجه فى لكن انت
مفيش حاجه نقصاك
جودة :يسلم فمك والله العظيم نفس الكلام اللى عاوز اقوله اتوكل على الله وابدأ فى
اجرائتك
العربى :وحدة وحدة ياجماعه الاول يهدأ كدة ويوضب اموره وكل شيى فى اوانه حلو ولا ايه
رجب: مظبوط ياخويا اهدأ كدة وبعد الاربعين يحلها ربنا المهم تعرف اولك من اخرك
وتعرف الحاج سايب ليك اية وتوضب امورك وربنا يحلها من عندة من بعيد ياتى عمال المحل الثلاثة ليجدو الجميع جالسين
بشندى: شد حيلك يا معلم مصطفى كلنا لها
جميل الحدق : قلبى معاك يامعلم مصطفى
العرباوى : كله تمام ياسى مصطفى والمفاتيح اهة والبضاعه اللى جت وضبناها ودخلناها معلش اتخرنا عليك شويه
مصطفى : اهم حاجة مفيش حد لة حاجة عند الحاج بيطالب بها
بشندى : كل حاجة مسجله ياسى مصطفى وكمان يومين لما نروح المحل اوريك
كل حاجة مانت عارف انا المسؤل عن الحسابات والدفاتروالبنك
العربى : خلاص ياعم اللى وراة رجالة زى دول ما يقلقشى ابدآ متوجها بكلامة الى العمال الثلاثة انتو ولاد حلال وبتمر فيكم العشرة
مصطفى : اخوكم مش صاحب محل يعنى تبقو جنبة وتسندوة زى ما كنتو بتعملو مع الحاج الله يرحمه الثلاثه فى نفس واحد عنينا ياسى مصطفى
بشندى: ربنا يعلم اجنا بتحبة أد اية
جميل : ايوة ياسيى مصطفى انتبة للمصلحة عشان ربنا يكرمك انت افكارك
حلوة قوى يلا بقى عشان نخليها حقيقة وكلنا بقلوبنا معاك
عرباوى : طبعآ كلنا فى مركب واحد وا نشاء الله يربنا يقدرنا ونكبر ونكبر المحل
ونوضبة ونخلية نمرة واحد فى المحروسة
الجميع : انساء الله
فى نهاية الفصل الثانى
المنشد
يحكى
ياما نهيتك ولا فهمتش فى يوم منى
يتنسى ليه الكلام خيبت فيك ظنى
الله يسامك يا صحبى يلى نسيت اصلك
عمرك لقيت واحد طول عمرة منتهنى
حسب طريق الغوا يا خدك ما ترجعشى
المشى لو بطال عمرة ما ينفعشى
اعمل حساب اخرتك الاخرة فيها حساب
اوعاك تقول ياولد واحد يشيل عنى






ستار

المنظر الثالث
المشهد الأول
فى البداية فقط
المنشد: احزر كيد النسا
متقولش انا ادم
ياما فطاحل كتير
وقفوا لة وتحدوا
ولا حد فيهم ادر مرة
يصد الكبير
حواديت كتير اتحكت
والله ما يتعدوا
ابن الاصول اللى يعرف بس يعاملهم
انا منهم ياولد لا دنا كنت اولهم
ريح ضميرك وبالك لايمها احسن لك
ولا انت عاوز وانك يا حبيبى يتشدوا

المحل القديم يعاد تأسيه بشكل مودرن وتبدل المكتب المتهالك بمكتب أنيق وشيك
استبدل مصطفى الجلابية ولبس البدلة
حتى العمال خلعوا البالطو والطربوش ولبسوا البنطلون والقميص
وصوت الراديو في المحل يترنم بالموسيقى والأغاني طول اليوم
مصطفى يجلس بشياكة خلف المكتب وينادي أحد العمال

مصطفى :- يا بشندي روح اطلب من القهوة نسكافية يا ولد
قوله لمصطفى بك أوعى تنسى
بشندي :- حاضر يا سي مصطفى
مصطفى :- بيه يا مغفل بيه
بشندي :- أيوة يا بيه
آل بيه آل . . والله البهوية لمت يا رجالة ( يقولها بصوت خافت )
مصطفى جالس بقلب أحد المحلات ينادي على جميل
مصطفى :- يا جميل اوصل يا ابني استعجل طلبية المكسرات اللوز والجوز والبندق وجوز الهند بسرعة . . . رمضان دالخل علينا
جميل :- حالا يا مصطفى بيه عنيا
يذهب متوجها إلى جهته
بشندي يدخل خلف إمراءة يتراقص على دلع خطواتها مقلدا إياها ويعلو صوته . . يا صلاة النبي يا صلاة النبي . . يا مصطفى بيه زبونة عايزاك يا بيه
مصطفى :- محدثا في وجه المرأة
انتي كنتي فين
عنايات :- خلاص يا باشا
العمال :- يتهامسون ابن المحظوظة النسوان كلها بتجري عليه
حظوظ . .
مصطفى :- ايه يا ست اسبوع غايبه عني يرضي مين ده . . .
وللا الصالة وخداكي مني
أنا اللي جبته لنفسي
عنايات . . . يعني لازم تفكرني كل شوية انك انت اللي جبت الصالة , ايه يا راجل انت عينك فيها وللا ايه
مصطفى :- ولا يهمك يا روحي . . . .
اهو كلام انا عيني عليكي انتي يا مهلبيه
عرباوي وبشندي :- يتهامسان
عرباوي :- اه يابن المحظوظة . . . .
بشندي :- انا نفسي اعرف النسوان بتجري وراه على ايه
حظوظ
جتنا نيله في حظنا الهباب
وفى نهاية الفصل الثانى
يدخل المنشد
ستار

المشهد الثاني

بيت مصطفى
زوجته تجلس على نار مع خادمتها في انتظار اخوتها
الذين يأتون . . .
رجب والعربي اخواها
ام طلعت بحرارة
أهلا يا رجب أهلا يا عربي
ربنا مايحرمنيش منكم يا رب
الراجل عايز يتجوز . . . .
ياكلني لحم ويرميني عضم
رجب :- بس خلينا ننفذ الخطة اللي اتفقنا عليها
وحياتك ليركع تحت رجليكي ويقولك حرمت
العربي :- أيوا بس ابعتيله الخدامة دلوقتي وقوليله . . . .
ام طلعت :- حاضر ياخويا . . . .
تنده على الخادمة التي تأتي بسرعة ............ أيوة يا ستي .
ام طلعت :- أوصلي للمحل وقولي لسيدك مصطفى . . إن إخوات ام طلعت عندها وابقى هات معاك فاكهة وبطيخة كبيرة . . أوعي تنسي . . . بطيخة كبيرة
الخادمة :- حاضر يا ستي هوا
تسرع الخادمة
بينما ام طلعت وأخوتها يرتبون لموضوعهم

المشهد الثالث
الأستاذ مصطفى يصل البيت يحمل أكياس الفاكهة وخلفه أحد العمال يحمل بطيختين كبيرتين يضعهم وينصرف
مصطفى :- ينادي على زوجته
يا أم طلعت انتي فين . . .
وقفين العربي ورجب والله واحشني قوي . .
يخرج رجب والعربي
يقابلاه بالأحضان
رجب :- إيه يابو نسب لقيناك ما بتسشألش قولنا نسأل احنا
العربي :- فين أيامك الحلوة وقعدتك اللي مزاجها عالي . . .
مصطفى :- لسه جياني حتة غبارة تستاهل حبايبي . . .
ياللا ننزل تحت نشرب لنا كام حجر على بال مالغدا يجهز
ينادي على زوجته
مصطفى :- يا ام طلعت احنا نازلين تحت شوية على بال ما تجهزوا الغدا وخدي قطعي بطيخه حلوة كدة وابعتيها تحت
ام طلعت :- على عيني يا خويا انزلوا انتو بالسلامة هابعت البت الشغالة بيها معلش ابقى قطعها انت إيديا مش فاضية
مصطفى :- ماشي يا ام طلعت ولا يهمك ياللا يا رجب ياللا يا عربي بالإذن
في هذه الأثناء تمسك ام طلعت البطيخة وتفتحها وتضع فيها أحد الأسماك النية وتدفعها إلى الخادمة يالله يا بت روحي ودي دي لسيدك مصطفى
حسك عينك تجيبي سيرة يا بت حطيها وامشي علطول
تفعل ما أمرتها به ربه البيت
تضع البطيخة وتمشي مسرعة
مصطفى يمسك البطيخة لكي يكسرها وجد الفتحة اللي صنعتها زوجته . يفتح البطيخة , وفي ذهول
مصطفى :- يا نهار أسود سمك في البطيخ . . معقول يا ولاد
ينده على زوجته يسألها بإنزعاج
مصطفى :- انتي فتحتي البطيخه دي
ام طلعت :- أيوه كسرتها وبعتها لك بس مش عارفه حمرا وللا قرعة
رجب والعربي :- يقفان مبديان حالة من الذهول المصطنع . . .
رجب :- فيه ايه يا سي مصطفى
سمك ايه اللي في البطيخ
العربي :- يا عم اعقل بلاش كلام مجانين قال . . .
مصطفى :- والمصحف وكتاب ربنا لقيت السمكه في قلب البطيخة حتى بص . . شم كده
بدأت الناس في التزاحم لمعرفة ماذا يحدث
الناس تكلم بعضها
لا حول ولا قوة إلا بالله . . .
الراجل اتجنن سمك في البطيخ معقول يا جدعان
أحد الأصوات يقول بحزم
ابعتوا هاتوا المرستان
العربي :- أنا اللي هروح أجيبهم . . .
مصطفى :- يا جدعان والله العظيم داللي أنا شفته فتحت البطيخة لقيت سمكه في قلبها ما تقولهم يا رجب
رجب :- هدي نفسك بس ياخويا الظاهر أنك العصابك تعبانة شوية . . اهدا كده اهدا
يصل العربي ومعاه 3 أفراد من مستشفى المجانين دكتور واتنين تمرجيه زي الحيطان
رجب :- يشير إلى مصطفى
اهو يا دكتور . . . .
الدكتور متوجها إلى مصطفى يسأل بتودد ورقه
اهدا يا ابني ايه الحكاية بالراحة كده . . . احكي لي . . . .
مصطفى :- والله العظيم يا دكتور أول ما فتحت البطيخة لقيت فيها سمكه ووريتها للعربي ورجب حتى إسألهم . . . .
العربي :- الظاهر أعصابه تعبانه قوي يا دكتور
رجب : يهمس في أذن الدكتور بما يجعل الدكتور يشير إلى التمرجيه بالبساسه القميص
مصطفى :- سيبوني أنا مش مجنون
أنا مش مجنون ....... السمك هو اللي كان في قلب البطيخة
ما اعرفش جه منين
يا عالم صدقوني
التمرجية :- ياللا يا مجنون

ستار

المنظر الأخير

في مستشفى المجانين رايحيين جايين ومصطفى واقف موثق اليدين بالقميص وحوله التمرجية .
الدكتور يشير لهما هاتوه هنا
برفق اقعد يا ابني . . . اهدا
ما تخافش . . احكي لي ايه اللي حصل
مصطفى :- بإنفعال شديد . . أنا مش مجنون
والله العظيم أنا مش مجنون . . . . ..
أنا لسه بفتح البطيخة لقيت في قلبها سمكه
الدكتور :- انت لسه مصمم على الحكاية دي
خدوه على عنبر المستجدين لغاية لما أروق له . . . . .
يذهبا به إلى العنبر اللي فيه شخص أخر جالس في عزله تامه لا يتحدث إلى أحد
التمرجية يخلعو القميص من مصطفى ويدخلوه إلى الغرفة
يدخل الغرفة كي يفر من التمرجية
مصطفى :- يا عالم .......... يا هوه
إزاي الحكاية دي ......
أصلها ايه ...... مين اللي عمل المقلب ده فيا
انا عايز الدكتور
يذهب التمرجى وياتى بالدكتور لمصطفى
مصطفى :- يادكتور انا مش مجنون اناهردا السبت وبكرا الاحد وبعده الاثنين
الدكتور :- طب منتا عاقل اهوا يا س مصطفى
مصطفى :- طب الحمد لله انك فهمتنى
الدكتور :- امال انت جيت هنا ليه
مصطفى :- السمك فى البطيخ
الدكتور :- خدوه لعلاج مكثف
مصطفى :- جايبه بأيدى ياخراب بيتى
الدكتور :- يقول للتمرجية اديتولوا العلاج المكثف
التمرجية :- ايوه يادكتور
الدكتور :- سيبوه يستريح شويه
ام طلعت :- ترفع قضية حجر على مصطفى
المحكمة تطلب شهادة الدكتور
القاضى يطلب التقرير النهائى من الدكتور لحالة مصطفى
القاضى بعد إستلامة التقارير ..... الحكم بعد المداولة
حاجب المحكمة :- محكة
الجميع يقف اثناء دخول القاضى الى المنصة
القاضى :- بعد الإطلاع على التقارير الطبية للسيد مصطفى طلعت حكمت المحكمة بان تؤل جميع العقارات والاموال المملوكة للمذكور الى السيدة حرمه كونه مختل عقليا
وفى هذه اللحظة تقاطعه ام طلعت بزغروطه طويلة
القاضى اسكتى يا ست والا حبستك 24 ساعة
القاضى يكمل كلامه :- وذلك وفقا لما جاء فى التقرير النهائى لمستشفى الامراض النفسية .
ام طلعت بعد سماع الحكم تذهب الى المستشفى ومعها الحكم النهائى وتطلب زيارة لزوجها من الدكتور
الدكتور :- يوافق على الزيارة
ام طلعت :- انا جيت يامصطفى ... وتساله السمك فى البطيخ
مصطفى :- اه اه اه السمك فى البطيخ والله السمك فى البطيخ
ام طلعت :- انت باين عليك عايز تدنك هنا
على العموم انا جايه علشان اطلعك وكل حاجه بقت ملكى دلوقتى
مصطفى :- عملتيها يا وليه
ام طلعت :- هتطلع ولا تدنك هنا البطيخ كان فى سمك
مصطفى :- لالالالالالالالالالالالالا

ستار